FAQs
Question
Wanneer moet ek RSVP?
Answer
RSVP asseblief voor of op 15 Junie 2025, sodat ons die finale getalle betyds aan die venue kan deurgee.
Question
Kan ek 'n plus een saambring?
Answer
Ons wil graag ‘n intieme en spesiale dag saam met ons geliefdes vier. As gevolg van beperkte spasie, kan ons ongelukkig net ons formeel-genooide gaste akkommodeer. Indien ‘n plus een toegelaat word, sal dit op jou "Save the date" kaartjie aangedui wees – bevestig asseblief vooraf met ons.
Question
Is kinders welkom?
Answer
Kinders is slegs welkom indien hulle deel is van ons naaste familie of die bruidsgeselskap. Stuur asseblief vir ons 'n boodskap indien jy onseker is.
Question
Kan ek foto's neem tydens die seremonie?
Answer
Ons vra dat julle asseblief julle fone en kameras tydens die seremonie wegsit aangesien ons wil hê dat julle die spesiale oomblik saam ons moet geniet. Ons het 'n professionele fotograaf en videograaf wat die seremonie vir ons vaslê. Anders as die seremonie, ja! Neem asseblief soveel foto's en videos as wat jy wil!
Question
Sal daar 'n oop kroeg wees?
Answer
Daar sal nie ‘n oop kroeg wees nie, maar daar sal ‘n kaartkroeg wees waar julle met kaart kan betaal. Na die seremonie sal elke gas ‘n komplimentêre verwelkomingsdrankie ontvang, en vir dié wat nie alkohol drink nie, sal daar ook komplimentêre sap beskikbaar wees.
Question
Is die troue buite?
Answer
Die seremonie sal buite plaasvind, terwyl die onthaal binne sal wees. Ons wil julle graag aanmoedig om die weer vir die dag dop te hou, aangesien dit Augustus is en dit dalk koel of winderig kan wees. Maak asseblief seker dat julle gemaklik en gepas geklee is vir die buitelug!
Question
Wat is die kleredragkode?
Answer
Ons vra asseblief dat almal formeel aantrek vir ons troue. Mans kan hul beste pak dra (geen jeans), en dames word aangemoedig om lang rokke te dra. Ons het ‘n spesifieke kleurskema waarvoor ons gaan, en om julle te help, het ons ‘n Pinterest-bord met inspirasie geskep. Julle kan die skakel hier vind: https://pin.it/4tre21JPR. Stuur asseblief vir ons 'n boodskap indien jy nie die skakel kan oopmaak nie.
Question
Hoe laat moet ek daar wees?
Answer
Die troue begin om 16:00, so ons vra asseblief dat julle teen 15:30 alreeds op julle sitplekke sal wees.
Question
Waar kan ek parkeer?
Answer
Wanneer julle die terrein van die venue binnekom, sal daar volop parkering beskikbaar wees vir al die gaste. Dit sal duidelik sigbaar wees waar julle kan parkeer.
Question
Wat moet ek doen as ek dit nie kan maak nie?
Answer
As jy nie die troue kan bywoon nie, laat weet ons asseblief deur die RSVP-skakel wat ons gestuur het. Ons sal jou baie mis, want elke persoon wat ons uitgenooi het, is vir ons baie spesiaal. Ons sou dit regtig geniet het om hierdie spesiale dag saam met jou te vier!
Question
Hoe kan ek bydra tot jou wittebroodfonds?
Answer
Die grootste geskenk van alles is jou teenwoordigheid op ons spesiale dag! Indien jy egter wil bydra tot ons wittebrood, kan 'n kaartjie in die kaartboks by die onthaal gegooi word.