Ginlinabad-labaran ka, ha History na klase Nakigbinatunay, para la nimo ma-asi. Pag-aram, mulay, ngan paniudto, kabunyog ka Kalipayan ngan mga tawa, aton gugma hingpit na. Ha kadamon bis ano, ha digital na kadagatan Akon kinaruyag na im' ma-asi, mahi-kit'an. "Kay ano man na sige tim chat?" imo pakiana, An tuod, ak baton, "Kay ikaw akon karuyag na." Didto ha klasrum, an at kasing-kasing nagka-asya Ha paglinabad tipa-gugma, ay kalaksi, bagan karera. An aton matam-is na istorya, nagtikang na dida Ha pahina han kasaysayan, gin-undong an at gugma.

Ha ChowKing anay kita naningudto ChowFan ngan siomai, amo man an paborito Kita kumonekta ha kada kagat nat' ngan timo Bisan barato, basta ikaw la ngan ako. Ha sinehan liwat kita nahingadto "Kita-kita" an pelikula didto Syahan nga pag-sine, baga uwat pa man hadto. Asya pagsakob, umalalay ha imo. Gidaw kasirom! Bagan buta, sugad kan Lea. Damo man an tawa, pagtikang na han salida. Ugaring la, han hi Tonyo nawara na Ay uran, ay burabod hin luha an im' mga mata.

Damo an sekreto han akon pag-plano "Waray ko pa singsing, pasayloa ako." Imo kag-anak, ngay-an gintawagan na, Nagpakilala, nagsarit, waray ka sumati la. Nagtindog hin kamera ngan mga props, intawon Bisan puno'n kulba, puno'n kalipay gihapon, Pagbagting han bag-o nga tuig, pag-abre han purta Gin-andam na siday, haimo ginbasa. Nagpakli an kalendaryo, an mga kwitis nagkabuto Unta nabatian nimo, an mga linya, an mga berso Nagpasipara, nagpakiana, "Aasaw'hon mo ba ako?" Ini ngan an singsing, ha bag-o nga tuig tumapo.