ALOHA

Yeh baat hai paanch saal pehle ki… Ek dost ke ghar par gathering thi usual masti, thoda shor, thodi hansi… Aur phir, tum wahan thi Shailee. Main jaise kisi aur dunia mein chala gaya. Na music suna, na logon ki baatein... sirf tum. Tumne ek simple black top and blue short pehna tha — halki si muskaan, ankhoon mein chamak. Main wahi ruk gaya. Shayad waqt bhi ruk gaya. Tumne mujhe dekha… phir halki si nazar jhukaayi… aur bas, wahi meri duniya badal gayi. Us raat humne baat ki thi — pehle halki si hello, phir thodi hasi, thodi shararat. Aur baatein chalte chalte, pata hi nahi chala… raat ho gayi… phir gehri raat… phir woh lamha, jab hum dono ne dekha — suraj ka ugna. Ek lambi raat thi, lekin sabse khoobsurat. Na koi formal proposal, na koi filmy dialogue... Bas ek nazar mein itna keh diya — ‘main hoon tumhare saath.’ Us subah ke baad se, har din ek nayi kahani likhi humne. Kabhi hansi mein, kabhi aansuon mein… Lekin haath kabhi chhoda nahi.