“Pimpih khuami, Oklahoma City aa teeng, Pa Banabas Zam Khen Khai leh Nu Angela Ciang Khan Cing te tapa thumna, Tg Andrew Mung Tawi Sang @Sangpi Leh Lia Lucy Thang Lawh Nuam @Nuamneu Lailo khuami, Tiddim myo aa teeng, Pa Paul Do Sawm Cin leh Nu Monica Zen Cin Cing te tanu nihna”

Pasian in a geelna leh a hunhoih sak hun in kogeel ong kithuah sak hi. Amasa in lawmta leh veengmeltheih leh Biakinn kikhop na te ah kikhawl in, tuapan kimel theihna ong kipan hi. Ki ho toto in, Pasian' thu sanzia te, leitung ngeina paizia sanzia te leh atuam tuam te kikum kum in, upna, lungmuan na leh ki-it na te kitheih siamna te ong khang to semsem in, Pasian' hoihsak na leh a thupha tawh ka ki-it na uh ong khang semsem hi. Tu in Pasian thupha tawh Kiteenna Siangtho (Holy Matrimony) sung ah a lut ding ka hita uhhi. Pasian in maa ongpanpih ding hi cih upna tawh ko gel pumkhat suak ding in nuntaak na thak ka kipan ding uh hi.

"So, they are no longer two but one flesh. Therefore what God has joined together, Let no one separate." "Tua ahih manin amaute nih hi nawn loin khat ahi ta uh hi. Tua ahih manin Pasian in a gawmsa mite, kuamah in khen kei ta hen."