Ferðasaga

Question

Umhverfið

Answer

Umhverfið er einstakt. Við erum stödd í fallegu fjalllendi, umvafin náttúru og dýralífi við fjallið Rocca Romana sem rís 609 metra yfir sjávarmáli og gnæfir yfir Bracciano-vatnið. Í kring eru þrír litlir bæir, hver með sinn sjarma, þar sem Trevignano Romano er sá stærsti. Aðrir bæir í kring eru Sutri og Bracciano en þeir eru allir í um 10 mínútna fjarlægð frá gistiheimilinu í bíl. Til að undirstrika sveitasæluna enn frekar þá er ekkert símasamband á svæðinu þar sem við gistum og veislan verður haldin , EN ekki hafa áhyggjur, það er gott internet. Best er því að ná í fólk í gegnum FaceTime, WhatsApp eða samfélagsmiðla. Fyrir þá sem vilja hreyfa sig verður nóg um að vera, göngu- og hlaupaleiðir liggja um allt svæðið og í um 4 km fjarlægð er fallegur golfvöllur, Golf Nazionale, golfnazionale.it Þangað eru allir velkomnir að spila eða skoða, hringurinn kostar 100 evrur á virkum dögum og 120 um helgar, og hægt er að leigja búnað á staðnum.

Question

Gistingin og ferðalög

Answer

Gistingin er með þessum yndislega ítalska sjarma, einföld, hlýleg og notaleg. Morgunverðurinn er að hætti heimamanna; ostar, croissant, ávextir, álegg, djús og kaffi. Það er kannski ekki egg og beikon, en eitthvað sem passar fullkomlega við umhverfið og stemninguna. Í öllum herbergjum er lítið eldhús og því mælum við með að stoppa í búð á leiðinni og kaupa það helsta sem ykkur gæti vantað, þar sem ekki er hægt að kaupa sér mat á gistiheimilinu. Í boði verður hádegismatur á föstudegi og laugardegi (5.–6. júní) gegn vægu gjaldi. Þar verður boðið upp á einfaldan en góðan mat, svo sem kaldan disk, pasta og meðlæti, og er verðið um 15 EUR á mann. Panta þarf fyrirfram og munum við óska staðfestingar á því hvort þið þiggið matinn síðar Vert er að taka fram að ekki verður opinn bar nema í sjálfri veislunni. Hins vegar verður stór kista með drykkjum þar sem hægt er að setja smá framlag í bauk. Staðarhaldararnir, Antonello og eiginkona hans, leggja sig fram um að gera dvölina okkar sem besta. Á staðnum er einnig bíll/van sem hægt er að nýta til að skjótast í búð eða sinna erindum innan skynsamlegra marka. Varðandi ferðalagið mæli ég með að leigja bíl á flugvellinum í Róm og sameinast í bíla þar sem hægt er. Fyrir þá sem kjósa annað er Uber í boði á flugvellinum og við Sigrún Elva getum leiðbeint með það. Einnig er hægt að panta transfer fyrirfram með aðstoð Antonello eða í gegnum mig. Lokauppgjör og útgáfa farseðla þeirra sem eiga frátekið hjá okkur getur farið fram þegar þið eruð klár en í síðasta lagi 18 maí og mun Helga Soffía hjálpa við það (eftir næstu helgi, er í prófum núna).

Question

Aðstoð

Answer

Ef þið hafið spurningar eða þurfið aðstoð við dvölina eða ferðalagið , endilega sendið mér póst á soffia@feria.is já, ég held mig enn við tölvupóstinn! (miðaldra). Ég geri mitt allra besta til að hjálpa en þið nálgist Helgu Soffíu á messenger. Með þessum orðum vil ég kveikja smá eftirvæntingu, það eru aðeins 30 dagar í þetta ævintýri og saman ætlum við að gera þessa stund ógleymanlega fyrir brúðhjónin og okkur öll. Hlýjar kveðjur, móðir brúðarinnar