Deur Elske se oë: Ons het in Desember 2018 as 'n groep vriende gaan kamp, SD en my jongste boetie was vriende gewees maar ek en SD het nie baie van mekaar geweet nie. Die laaste aand het ons met mekaar begin gesels om die kampvuur en SD wou graag vir my 'n liedjie speel. Ons het aanhou gesels oor WhatsApp, hy was vir my so interessant gewees en ek wou net meer van hom uitvind. Na die Desember vakansie kon ons mekaar weer uiteindelik sien by die eerste koshuis sokkie. Ons het gedans en gesels, ek was smoorverlief! In April 2018 het SD my gevra om sy meisie te wees met my eerste kuier by hom op die plaas. Ons het mekaar aanhou kies deur die geraas van die lewe, en ons sal dit viraltyd doen. Hy is my beste vriend. Deur SD se oë: My storie sal seker begin na Desember vakansie toe ek die eerste aand met die koshuis sokkie verlief geraak het op Elske. Haar diepte wat sy gehad het om te deel en haar sekerheid oor wat reg is. Toe ons klaar is met skool het ons vir mekaar gesê ons is lief vir mekaar en wat gebeur en waar ons onsself mag vind, dat ons vir mekaar gemaak is. Ons het van toe af altyd baklei om nader aan mekaar te kom. Ons is vir mekaar onvervangbaar. Ons het op 'n punt van ons lewe gekom waar ons besluit het dat ons nie die lewe alleen wil aanpak nie, maar saam. Met die seën van ons Liewe Vader sal ons 'n lewe bou.